Søk i nettsamfunnet

Eg har i over 30 år spekulert på kven denne Bertina «Tina» Olson «frå Christiania» kan ha vore, ho som kring 1894 gifte seg med emigranten Johannes Christopherson Søvde frå Luster. Kanskje tidi no er kommi til å finna ut av denne gåta? Og kanskje kan også sjølve vigsli deira finnast? Dødsattesten hennar finn eg ikkje, men her er i alle fall gravstøtta hennar frå Everett, WA: https://www.findagrave.com/memorial/132884380 Og her er eit manuskript for Tina og mann hennar: ~~~~~~~~~~~~~ Johannes Christopherson Søvde, f. {i Luster} 22.12.1863, John C. Sovde utvandra til Amerika i 1883 og busette seg 1885 i Tower, St. Louis Co., Minn. Han gifte seg ##### (date and place of his marriage? - about 1894?) med Bertina ##### (fullt «norsk» namn?) frå ##### (norsk opphav? - nær Christiania?) i Amerika kjend som Tina Olson. Ho var dotter av ##### (foreldri hennar?) og f. ##### (dato og stad for fødsli hennar? - kring 1874?) men utvandra til Amerika i ##### (utvandringsåret hennar? - kring 1890!) John Sovde var kolonialhandlar (»grocer»), og han og Tina vart buande i Tower, St. Louis Co., Minn. til dei i 1903 flytte til Everett, Snohomish Co., Wash. John d. i Everett, Wash. 16.5.1942, medan Tina Sovde d. same staden 17.5.1961. Dei fekk seks born i lag: ~~~~~~~~~~~~~ Eg takkar so mykje på førehand for alle gode tips!

Eg strevde ein del med denne ætti alt på 1980-talet og ogso kring 2001, men utan å komma nokon særleg veg. I kveld har eg nytta ein del meir tid på å få «orden» på denne huslyden, men eg er no komen til eit punkt der eg tydeleg har nådd «veggen», og eg vonar å lite vetta hjelp i Brukarforum til å komma vidare... Dette er ein «utypisk» ætt frå Luster som busette seg i eit gruvesamfunn i nordlege Michigan og sidan flytte vidare til gruvebyen Tower, St. Louis Co., MN. Eg har mellom anna ikkje vore i stand til å finna ein nøyaktig dødsdato for Christen sjølv, og dei to eldste sønene hans er fullstendig ukjende. Kanskje døydde dei i Bergen FØR foreldri utvandra i 1865? Det oppdaterte manuskriptet mitt ser pr. i dag slik ut: ~~~~~~~~~~~~~~ NB: Etter mange nye spennande innlegg er dette manuskriptet no erstatta av eit nytt i innlegg #15 under! Eg takkar so mykje på førehand for alle gode tips om denne huslyden!

Christen Christopherson Søvde, fødd i Luster i 1865, hamna som kolonialhandlar i Everett, WA. Han gifte seg med Hannah Marie de Märde frå Oskarshamn i Kalmar län i Sverige. Dei fekk to born i lag. Eg samla det meste av opplysningane om denne huslyden på 1980-talet, men nokrer detaljar greidde eg adri å få tak i, og no vonar eg at einkvan kan hjelpa meg lite vetta for å komma vidare? Det gjeld særleg opplysningar om opphavet til Hannah i Sverige og lagnadane til båe konene til sonen Carroll, samt det fuille namnet til dotteri Isabelle... Slik ser det oppdaterte manuskriptet mitt ut pr. i dag: ~~~~~~~~~~~~~~ NB: Etter nye spennande innlegg er dette manuskriptet no erstatta av eit nytt i innlegg #6 under! Eg takkar so mykje på førehand for alle gode tips!

Søvde-familiane frå Luster er talrike i Amerika, og eg vil denne gongen gjerne få henta fram Ole Christopherson Søvde, som ogso utvandra til St. Louis Co., MN, gifte seg der med Augusta Charlotte Enquist frå Värmland, som eg ikkje veit stort om i det heile. Dei hadde sju born. Eg korresponderte i 1980 med dotteri Emily Sovde i Duluth, MN, og ho fortalte meg kva ho visste, men svogeren James Claffey visste ho lite om... No vonar eg det let seg gjera å få litt hjelp frå kyndig hald for å komplettera denne biografien... Her følgjer eit oppdatert manuskript: ~~~~~~~~~~~~~~ NB: Etter fleire nye innlegg er dette manuskriptet no erstatta av eit nytt i innlegg #7 under! Eg takkar so mykje på førehand for alle gode tips!

Tidleg på 1980-talet intervjua eg norske etterkomarar etter Johannes Christenson (1819-1907) og kona Anna Monsdotter (1828-1881), som fram til garden deira vart seld på tvangsauksjon i 1880, hadde vore gardbrukarar på Kleivi, eit bruk av garden Søvde i Dale sokn i Luster. Dei kunne då fortelja meg følgjande om dei to sønene etter Johannes og Anna som tvandra til Amerika: * Christen Johannesson Søvde (Kleivi), fødd i Luster 17.4.1863, utvandra til Amerika i 1884, skal ha busett seg i Chicago, IL der han gifte seg, men kona døydde barnlaus, og Christen flytte som enkjemann til Minneapolis, MN der han skal vera avliden... * Christopher Johannesson Søvde (Kleivi), fødd i Luster 7.5.1868, utvandra til Amerika i 1889 og skal òg ha busett seg i Chicago, IL. Han gifte seg òg, og med kona som dei ikkje kjente namnet til, flytte han til Pomona, CA der dei båe døydde. Dei hadde ingen born. Når eg no etter so mange år freistar gripa tak i desse brørne att for å greia ut biografiane deira, råkar eg på skikkelege utfordringar: * Christen Johannesson Søvde ser eg absolutt ikkje noko til. Ei ekstra utfordring er det at me har fleire personar med same namn som òg hadde tilknytting til Luster, mellom anna ein Christen Christopherson Søvde (1865-1931) som attpåtil gifte seg i Chicago, IL i 1896 og budde der nokre år før han flytte til Washington state. Den einaste eg ser som KAN vera Christen Johannesson, er ein Christian J. SOVD som er nemnd «coachman» og innskriven i Minneapolis city directory frå 1894 busett på 2303 Park Avenue: https://www.ancestry.com/interactive/2469/13545871?pid=821215215&backurl=https://search.ancestry.com/cgi-bin/sse.dll?indiv%3D1%26dbid%3D2469%26h%3D821215215%26tid%3D%26pid%3D%26usePUB%3Dtrue%26_phsrc%3DNzx11799%26_phstart%3DsuccessSource&treeid=&personid=&hintid=&usePUB=true&_phsrc=Nzx11799&_phstart=successSource&usePUBJs=true * Christopher Johannesson Søvde finn eg derimot att, men ikkje før i FT1910, og då er han gift med ei Agnes, og dei er alt komne til Pomona, Los Angeles Co., CA: https://www.familysearch.org/ark:/61903/3:1:33SQ-GRVG-RM3 Her er dei òg i FT1920: https://www.familysearch.org/ark:/61903/3:1:33S7-9R6X-9D2 og i FT1930: https://www.familysearch.org/ark:/61903/3:1:33SQ-GR4F-N7Q I 1940 er Christopher vorten enkjemann: https://www.familysearch.org/ark:/61903/3:1:3QS7-89MT-F3F2 Hjå ancestry finn eg dessutan eit family tree som inneheld Christopher, og der går det fram at kona hans heitte Agnes Barbara Slebiska, og ho var fødd i Winneshiek Co., IA 20.1.1870 av «Bohemian« foreldre. Agnes var i 1900 framleis ugift, men då busett i Chicago, IL: https://www.familysearch.org/ark:/61903/3:1:S3HT-68DV-YH Agnes Sovde døydde i Los Angeles Co., CA 26.12.1939, medan Christopher Sovde døydde same staden 16.7.1953. Dei store utfordringane i denne huslyden kan oppsummerast slik: ** Opplysningar om Christen Johannesson Søvde, fødd 1863, etter han utvandra i 1884? ** Dato og stad for vigsli til Chrístopher Søvde med Agnes Barbara Slebiska? Kan det tenkjast, sidan me ikkje ser noko som helst til Christen, og Christopher ikkje dukkar opp før i 1910 med ei noko «merkeleg» skrivemåte av namnet sitt (Sode?). at dei kan ha nytta eit anna namn i Amerika? Kanskje Kleven? Kanskje Johnson? Eg takkar so mykje på førehand for alle gode tips om desse brørne?

Dette er ein huslyd som eg arbeidde med alt tidleg på 1980-talet, men som eg grunna manglande kjeldemateriale aldri fekk skikkeleg «tak» på den gongen. Denne Erik Søvde fekk i alt fem born, men kona Josephine av fransk-canadisk opphav hadde òg fem born frå første ekteskapet sitt, som Erik adopterte! Med moderne hjelpemiddel er høvet i dag eit anna, og eg vonar me skal kunna finna svar på det meste om denne «viderløftige» huslyden. Her følgjer eit oppdatert manuskript: ~~~~~~~~~~~~~~ NB: Etter nye kjempeopplysningar om denne huslyden er dette manuskriptet no erstatta av eit nytt i innlegg #6 under! Eg takkar so mykje på førehand for alle gode tips; særleg er eg oppteken av Mertel og lagnaden hennar!!