Jump to content
Arkivverket

Search the Community

Showing results for tags 'sogndal'.



More search options

  • Search By Tags

    Type tags separated by commas.
  • Search By Author

Content Type


Forums

  • The National Archives of Norway
    • Spør Arkivverket
  • The Digital Archives
    • Brukernes eget forum
    • Tyding av skannede kilder
    • Kilderegistrering
    • Spør Digitalarkivet
    • Arkiv
  • Miscellaneous
    • Tekniske tilbakemeldinger

Find results in...

Find results that contain...


Date Created

  • Start

    End


Last Updated

  • Start

    End


Filter by number of...

Found 10 results

  1. Dette er ei kjempenøtt som har oppteke meg i mange år, særleg etter at eg oppdaga at eg sjølv ættar frå denne ætti i lag med eit stort tal andre lustringar, og eg tek no opp denne saki med von om at det kan lata seg gjera komma nærare ei løysing! Manntalet frå 1701 for den då einbølte garden Gunvordal i Sogndalsdalen syner denne huslyden: 14995 Niels Jacobsen 50 o Gundverdal Sogndals 14996 Olle Nielsen 16 s Gundverdal Sogndals 14997 Elling Nielsen 14 s Gundverdal Sogndals 14998 Jacob Nielsen 10 s Gundverdal Sogndals 14999 Henrich Nielsen 1 s Gundverdal Sogndals Den nye bygdeboki for Sogndal har ingen opplysningar om nokon av desse med unntak av at Nils skal ha vore frå nabogarden Kvam i Sogndalsdalen og bror av den der buande: Knut Jacobson, fødd kring 1661, død i 1744 gift med Martha Iversdotter, fødd kring 1757, død i 1753 Desse er nemnde med sju born som alle budde i Sogndal. Dei databaseregistrerte kyrkjebøkene for Sogndal syner dei tre yngste borni til Nils Jacobson i Gunvordalen: * Gunnhild Nilsdotter, døypt i Gunvordalen 28.2.1693 * Iver Nilsson, døypt i Gunvordalen 25.4.1698 * Henrik Nilsson, døypt i Gunvordalen 28.8.1700 Kanskje var det eldste sonen Ole Nilsson som 22.3.1805 gifte seg i Sogndal med Anna Johannesdotter Aaberge, men utan gardsnamn på mannen er dette svært usikkert: http://gda.arkivverket.no/cgi-win/webcens.exe?slag=visbase&sidenr=1&filnamn=sognvigd&gardpostnr=28314&merk=28314#ovre Derimot ser eg at ein soldat Henrik Nilsson Hollekve gifte seg i Sogndal 22.6.1727 med enkja Barbro Anfindsdotter Vassli: http://gda.arkivverket.no/cgi-win/webcens.exe?slag=visbase&sidenr=1&filnamn=sognvigd&gardpostnr=28463&merk=28463#ovre Henrik og Barbro busette seg på Vassli og fekk i alle fall desse borni: * Ragnhild Henriksdotter, døypt 7.3.1728 * Nils Henrikson, døypt 19.10.1735 dessutan hadde Henrik ei dotter frå før: * Britha Henriksdotter med mor Kirsti Bottolfsdotter, døypt 28.9.1727 - vart ikkje ho gift i Fresvik eller Feios, mon tru? Henrik Nilsson Vassli vart gravlagd i Sogndal 23.5.1748: http://gda.arkivverket.no/cgi-win/webcens.exe?slag=visbase&sidenr=1&filnamn=sognvigd&gardpostnr=28463&merk=28463#ovre Bygdeboki for Sogndal har under Hollekve omtale av denne huslyden: Iver Nilsson, fødd 1698 i Gunvordalen, død 1767 i Hollekve gift 1.g. med Magdeli Johnsdotter, fødd 1693 i Gunvordal(!). død 1746 i Hollekve gift 2.g. med Agatha Ellingsdotter, fødd 1701, død 1754 i Hollekve gift 3.g. 1755 med Anna Johnsdotter Amble, fødd kring 1710 Boki nemner fem born frå første ekteskapet, mellom anna to døtrer Britha og Agatha - den siste av desse gifte seg til Jørongo på Hafslo. Før eg går vidare innover fjorden, vil eg gjerne få nemna at Gunvordalen, Hollekve, Kvam og Vassli alle er gardar som ligg i same grendi i Sogndalsdalen! So til dei to sønene Elling og Jacob, som flytte innover fjorden: ~~~~~~~~~~ Elling Nilsson Flattun, opphavleg frå Gunvordalen i Sogndal, var son av gardbrukar Nils Jacobson i Gunvordalen og f. i Sogndal kring 1687. Han vart gravlagd frå Flattun 8.10.1758. Også Elling Nilsson kom til Flattun ved giftermål. Kring 1723 gifte han seg nemleg første gongen med Ingeborg Trondsdotter, enkja etter den føregåande brukaren, men då ho var avlidi, gifte Elling seg 16.10.1735 att med Mari Thomasdotter, opphavleg frå Berge i Ståreim, Eid, men då busett i Lærdal. Korleis ho var komi dit, veit me ikkje. Ho var dotter av gardbrukar Thomas Johnson på Berge og første kona hans og f. i Eid kring 1670. Mari vart gravlagd frå Flattun 8.12.1746. Elling fekk hand om halve Flattun då han kring 1723 gifte seg med enkja på garden. 6.11.1725 fekk han dessutan skøyte på dei 13 1/2 merker smør som stesonen Christopher og stedotteri Rannei hadde arva. Då Ingeborg Trondsdotter fall ifrå i 1734, vart garden delt på ny; Elling sat då att som den største luteigaren i Flattun med om lag 2 pund smør, og han heldt fram med styringi av heile garden like til 1745. Då fekk stesonen Torger ta over eine helfti (sjå Flattun, bnr. 1, a), men for å sikra den helfti som var att, for eldste sonen sin, kjøpte han 14.4.1746 hjå stesonen Bjørn og formyndarane til borni sine, i alt 7 7/8 merker smør og 1/2 hud so han åtte nesten heile bruket. Dette dreiv han so til eldste sonen fekk ta over i 1756. Elling Flattun fekk fire born, alle frå første ekteskapet: 1. Torkild Ellingson (1724-1789), fekk ta over denne delen av heimebruket etter faren og stemori. 2. Nils Ellingson (1728-1758), d. ugift på Flattun. 3. Britha Ellingsdotter (1730-1764), vart gift med gardbrukar Bjørn Mikkelson i Sandviki (1727-1788). 4. Ingeborg Ellingsdotter (1734-1772), d. ugift på Tandla. ~~~~~~~~~~ Jacob Nilsson Opheim, opphavleg frå Gunvordalen i Sogndal, var son av gardbrukar Nils Jacobson i Gunvordalen og kona Britha og f. i Sogndal kring 1691. Han d. som kårmann på Opheim 26.11.1762. Jacob kom til Opheim som gardbrukar då han i 1711 gifte seg i Hafslo med Britha Olsdotter, enkja etter den føregåande brukaren. Jacob fekk kring 1711 bygslebrev på dette bruket hjå sokneprest Jens Ørbech. Han fekk dessutan 15.6.1750 skøyte på eigedomsgodset på Opheim (bnr. 2) hjå prosten Anders Daae, og 18.10.1759 vart han eigar av eigedomsgodset på Opheim (bnr. 4, a) etter skøyte frå løytnant Jacob Lemvig. Jacob Nilsson sat som leiglending på bnr. 1 til 1754 og som eigar i dei to hine bruki levetidi ut. Jacob og Britha fekk i alle fall fire born i lag: 1. Asbjørn Jacobson (1712-1786), hamna som gardbrukar på Opheim (bnr. 4) (s.d.). 2. Margretha Jacobsdotter (1714-1777) vart gift med gardbrukar Hermund Erikson her på Opheim (bnr. 1) (1714-1790). 3. Britha Jacobsdotter (1717-1799), vart gift med gardbrukar og enkjemannen Trond Ingebrigtson på Fet (1699-1785). 4. Ole Jacobson (1721-1779), vart gardbrukar på Sørheim i Luster. ~~~~~~~~~~ Det kan ikkje herska mykje tvil om at kona i Gunvordalen heitte Britha til førenamn (jmf. oppkallingane av eldste døtrene i alle desse huslydane!), men kven ho var, er det ingen som so langt har kunne fortelja meg. Og nettopp dette spørsmålet er det som opptek meg mest. Men eg er òg interessert i å finna ut kvar det vart av Ole Nilsson, fødd kring 1685 og Gunnhild Nilsdotter, fødd 1693. Eg takkar so mykje på førehand for alle gode tips om denne huslyden!
  2. FT1701 for garden Fimreite i Sogndal syner mellom anna denne huslyden: 14830 Niels Rasmusen 53 o FimmerEid Sogndals 14831 Elling Nielsen 11 s FimmerEid Sogndals 14832 Rasmus Nielsen 8 s FimmerEid Sogndals 14833 Peder Nielsen 3 s FimmerEid Sogndals Sonen Peder Nilsson gifte seg første gongen med Gjertrud Eriksdotter, enkja etter Anders Ellendson på Stedje i Sogndal (1663-1716), men ho vart gravlagd frå Stedje 3.1.1727, og Peder gifte seg att i Hafslo 2.7.1727 med Gjertrud Atlesdotter frå Urnes, fødd i Hafslo kring 1705. Desse vart buande nokre år på Stedje, men vart sidan gardbrukarar på Bjørkum i Lærdal der Peder døydde 28.4.1763. Gjertrud døydde same staden 22.6.1788. Dei har ei kjempestor etterslekt. Kven kan denne Nils Rasmusson ha vore? Og kven var han gift med? Eg finn ingen av borni hans døypte i Sogndal, men me ser at det i 1669 vart halde skifte etter Rasmus Olson på Elvagjeng i Sogndal, og han let etter seg mellom anna enkja Martha og borni Nils og Kirsti. Kanskje er det denne Nils som sidan dukkar opp på Fimreite? Men dette er kanskje tvilsamt, for Nils Rasmusson på Elvagjeng er 33 år gamal i 1666: http://gda.arkivverket.no/cgi-win/webcens.exe?slag=visbase&sidenr=1&filnamn=SDAL1666&gardpostnr=285&merk=285#ovre Eg takkar so mykje på førehand for alle gode tips!
  3. Dette er ei oppfølgjing av tema #7972 frå det gamle brukarforum: https://forum.arkivverket.no/topic/93924-7972-nils-olson-hafslo-bremanger-sunnmøre/?tab=comments#comment-774656 og samstundes ein huslyd som Ivar Moe har mint meg om i eit anna innlegg og som eg svært gjerne vil henta fram att «frå gøymsli»! Ole Ellefson (1709-1764) og kona Susanna Hansdotter (1715-1763) var i mange år gardbrukarar på Mo i Hafslo, men flytte i 1762 til Sogndal der dei vart gardbrukarar på garden Åberge. Dei hadde åtte born i lag, mellom anna sonen Hans Olson (1744-1779) som døydde ugift i Sogndal. Ved skiftet etter denne Hans dagsewtt 3.2.1779: https://media.digitalarkivet.no/view/24141/221 kjem det fram interessante opplysningar om to av brørne hans: * Nils Olson, døypt i Hafslo 24.6.1747 - var 1779 busett på Sunnmøre * Halvor Olson, fødd i Hafslo kring 1750 - var 1779 busett i Danmark I det gamle emnet frå 2002 er eg ute med eit forslag som gjeld denne Nils Olson. Dersom han kalla opp mor si, Susanna, KAN han vera identisk med ein Nils Olson Qvalstad som med Malene Pedersdotter Osen fekk ei dotter Susanna døypt i Bremanger 10.10.1776: https://www.digitalarkivet.no/view/255/pd00000005054878 men denne Susanna syner seg vera fødd utanfor ekteskap, so kanskje det likevel ikkje er han? FamilySearch syner forresten ei anna mor, Orlaug Andersdotter: Name Susanna Nilsen Gender Female Christening Date 10 Oct 1776 Christening Place , BREMANGER, SOGN OG FJORDANE, NORWAY Father's Name Niels Olsen Mother's Name Orloug Andersdr. Denne Susanna kan vera identisk med den Susanna Nilsdotter, 27 år, som i 1801 tente på Vågsberget i Selje og som i 1804 gifte seg med Lars Jeremiasson, gardbrukar på Nordpollen i Selje. Denne Susanna døydde i 1844. Selje ligg mellom Bremanger og Sunnmøre... Når det gjeld Halvor Olson, finn eg berre EIN god «kandidat» i vigselslistene hjå FamilySearch Name Halvor Olsen Spouse's Name Ane Margrethe Rasmusdr Event Date 03 Aug 1785 Event Place Garnisons Sogn, Kobenhavn, Kobenhavn, Denmark Kan det vera han?? Det hadde vore kjempemoro om me greidde å spora opp både Nils og Halvor, og eg takkar so mykje på førehand for alle gode tips!
  4. Siri/Sigrid Andersdotter er ei jente som har leitt etter sidan 1980-taletk, men som eg førebels ikkje har greidd å komma på sporet etter. Kanskje har nokon tips å komma med? Siri var fødd i Luster kring 1729 som dotter av husmann Anders Olson på Myrane under Fuhr i Luster og første kona Martha, som døydde i 1749. Siri vart konfirmert i Luster i 1749: https://www.digitalarkivet.no/view/279/pk00000000456539 Ho hadde ein einaste bror Nils Andersson (1726-1780) som vart gift i Luster og døydde som husmann i Haugen under Flahammar. Det er ikkje noko som tyder på at Siri må ha flytt so langt av stad, og FamilySearch har fleire spennande alternativ: ** Sigri Andersdotter (Skjeldestad) gift i Sogndal 17.4.1758 med Mads Christenson (Sogndalsfjæren) Name Mas Christensen Spouse's Name Sigri Andersdr Event Date 17 Apr 1758 Event Place Sogndal,Sogn Og Fjordane,Norway ** Sigrid Andersdotter (Stigen) gift i Sogndal 15.10.1764 med Ole Erikson (Kvåle) Name Ole Erichson Spouse's Name Sigrid Andersdr Event Date 15 Oct 1764 Event Place Sogndal,Sogn Og Fjordane,Norway ** Sigri Andersdotter gift i Lærdal (Hauge sokn) 16.3.1761 med Guttorm Johannesson Name Guttor... Johannesen Spouse's Name Sigri Andersdr. Event Date 16 Mar 1761 Event Place Lærdal, Sogn Og Fjordane, Norway ** Siri Andersdotter (Nummedal store) gift i Vik 16.6.1752 med Ole Hermundson (Gullteig) Name Ole Hermundsen Spouse's Name Siri Andersdr Event Date 16 Jun 1752 Event Place Vik I Sogn,Sogn Og Fjordane,Norway Kan ei av desse vera jenta frå Luster?? Eg takkar so mykje på førehand for alle gode tips!
  5. Denne huslyden har eg slite med i mange ǻr, men eg har omsider greidd å identifisera alle borni, med unntak av eldste sonen! Anders Johnson (Sagen, Krogen), fødd i Hafslo 6.9.1827 gifte seg i Hafslo 14.6.1854 med Martha Andersdotter (Grøt, Nes i Sogndal), fødd i Sogndal 26.9.1823 Dette parfolket budde først som plassfolk i Kinsedalen under Urnes i Hafslo og sidan som plassfolk på Sagi under Kroken i Hafslo. I 1868 utvandra dei so til Amerika med fire felles døtrer og ein son som ho hadde frå før: * Anders Aslakson, fødd i Sogndal 9.11.1848, son av Martha og Aslak Trondson Fardal * Elisabeth, fødd i Hafslo 1855 * Kari, fødd i Hafslo 1857 * Johanna, fødd i Hafslo 23.5.1860 * Christina, fødd i Hafslo 15.12.1862 Ei dotter Andrea var fødd i 1865, men døydde same året! FT1870 syner dei busette på ein farm i Freeman township, Crawford Co., WI: https://www.familysearch.org/ark:/61903/3:1:S3HY-DCY9-5QY FT1880 syner dei busette på same farmen i Freeman township, Crawford Co., WI: https://www.familysearch.org/ark:/61903/3:1:33SQ-GYBF-T76 Men for å sjå korleis namni ofte vart fullstendig «vrengde» i Amerika, lat oss ta for oss desse teljingane: FT1870: ANDERSON, John 40 Nor ANDERSON, Martha 39 Nor ANDERSON, Andrew 17 Nor ANDERSON, Caroline 12 Nor ANDERSON, Johanna 10 WI ANDERSON, C(hristine) 8 WI ANDERSON, Anna 6 WI FT1880: JOHNSON, Andrew 53 Nor JOHNSON, Martha 57 Nor JOHNSON, Josie A 20 Nor JOHNSON, Christina 17 Nor I 1870 er Elisabeth alt flytt heimefrå, men dei har fått med seg ei Anna; ein skulle nesten tru dei hadde rekna med Andrea som døydde i Noreg...!? Og dei yngste borni er brått fødde i Wisconsin!! I 1880 er det berre Johanna og Christina som er att heime... Men kva skjedde so?? Ei bygdebok for Minnehaha Co., SD fortel oss at Andrew og Martha i 1880 flytte til Minnehaha Co., SD, men eg har notert at: Andrew Johnson døydde i Crawford Co., WI 1.10.1884, og at Martha Johnson døydde i Crawford Co., WI 7.6.1914. FT1910 for Utica township, Crawford Co., WI syner at Martha Johnson då som enkje budde hjå dotteri Kari gift med John Torgerson: https://www.familysearch.org/ark:/61903/3:1:33SQ-GYBM-FZK FT1905 for Utica township, Crawford Co., WI syner at Martha ogso då budde hjå denne dotteri: https://www.familysearch.org/ark:/61903/3:1:S3HY-DTX9-XVG FT1900 for Franklin township, Vernon Co., WI syner at Martha Johnson då budde hjå eldste dotteri Elisabeth gift med Hans Thompson: https://www.familysearch.org/ark:/61903/3:1:S3HY-6SWT-J1 Det einaste av borni til Anders og Martha som nokon gong budde i Minnehaha Co., SD, var dotteri Johanna som 22.3.1883 gifte seg i Crawford Co., WI med søskenbarnet Anders Christenson Hove frå Sogndal. Han var skreddar og utvandra i 1878: https://www.familysearch.org/ark:/61903/3:1:S3HT-6954-9BL Anders og Johanna Hove var barnlause, men tok til seg ei NIESE: a. Christine Hove, f. i Oregon 3.9.1894, d. i Kirkland, Wash. 6.3.1979. Ho gifte seg i Seattle, Wash. 22.8.1934 med John Severt Kanikeberg, f. i Skamania Co., Wash. 11.9.1894. Han d. i Seattle, Wash. 6.9.1966. John var målar («painter»), medan Christine var lærar («school teacher»). Dei budde mange år i Sioux Falls, Minnehaha Co., S.D., men flytte kring 1950 til Seattle, King Co., Wash. Dei var barnlause, men John hadde ein son frå eit tidlegare ekteskap. Teljingi frå 1915 syner at Andrew Hove hadde butt i SD sidan 1880: https://www.familysearch.org/ark:/61903/3:1:S3HT-6LVH-6HV Det same kjem fram i 1925: https://www.familysearch.org/ark:/61903/3:1:S3HT-62QW-H4S Dei budde visstnok ei tid på ein farm i Edison township, Minnehaha Co., SD (kanskje er det derifrå at den ovannemnde utsegni om at Anders og Martha hadde flytt til Minnehaha Co., SD alt i 188o er teken ifrå - eg veit ikkje...), men flytte tidleg til Sioux Falls, SD der Johanna døydde i 1912. Den siste dotteri av Anders og Martha, Christine gifte seg med ein glopping og budde i Crawford Co., WI, men døydde alt i 1896. Kjempeutfordringane i denne huslyden er følgjande: *** Budde Anders og Martha nokon gong i Minnehaha Co., SD? *** Kvar vart det av sonen Anders Aslakson, fødd i Sogndal 1848 og sist nemnd i FT1870? Kan han vera faren til Minnehaha Co., SD? FT1900 og FT1910 seier båe at av Martha sine seks born var berre tre i live, som kan tyda på at Anders Aslakson då var avliden, men eg veit ikkje sikkert! Kan han eventuelt ha vore FAR til denne niesa Christine Hove, som voks opp hjå Johanna og Anders Hove i Minnehaha Co., SD?? Eg takkar so mykje på førehand for alle gode tips om denne huslyden!
  6. Hei, som fadder for min tippoldemor Marthe Jørgensdatter Reppen (14.7.1845-14-10-1935) fra Stedje Sokn, Sogndal, finner jeg en Iver Nielsen Reppen. Kildeinformasjon: Sogn og Fjordane fylke, Sogndal, Ministerialbok nr. A 11 (1839-1847), Fødte og døpte 1845, side 75. Permanent sidelenke: http://www.arkivverket.no/URN:kb_read?idx_kildeid=11661&idx_id=11661&uid=ny&idx_side=-78 Jeg har deretter funnet at en Iver Nielsen Reppen som 8 år senere sitter inne ved ved Slavehuset i Bergen i 1853 for bytingsdom. Mye tyder på at dette er samme Iver: https://www.digitalarkivet.no/view/84/pc00000000372130 Dette er interessant, da det bidrar til å plassere Marthe inn i en større kontekst. Jeg hadde mistanke om at hun kom fra små kår. Dette bekreftes delvis av bygdebok for Sogndal, der det fortelles at hennes foreldre Jørgen Einarsen Nes og Kari Iversdatter Elvagjeng Rutlig en stund var husmannsfolk under Reppen. Jeg tror at Marthes foreldre, Jørgen og Kari har sin relasjon til Iver Nielsen Reppen gjennom at de var husmannsfolk under Reppen. Han var således gjerne et naturlig valg som fadder. Jeg har ikke lyktes å finne noen familiær relasjon mellom dem. Det kan nevnes at Iver Nielsen Reppens onkel Jens Jensen Reppen, også skal ha vært domfelt minst en gang. Jeg har fått tilsendt bytingsdommen for Iver Nielsen Reppen fra Statsarkivet i Bergen (vedlagt). Pga filens størrelse, har jeg måtte dele fil i 2, vedlagt som jpg. Jeg har gjort noen forsøk på å tolke teksten, men kommer til kort. Er det noen som tar slike oppdrag, evt. kan hjelpe meg litt på vei med å tolke hovedinnholdet i teksten? Mvh Geir
  7. I mange år har eg freista finna lagnadane til tre av dei fire borni i denne huslyden frå Sogndal/Luster som utvandra til Amerika, og dessutan fleire detaljar om huslyden til ei dotter som vart gift på Ulvingen i Vega. Etterkomarar etter jenta på Ulvingen skal ifølgje bygdebokskrivaren for Sogndal for ein del år sidan ha vore på leiting etter slekti si gjennom massemedia, og kanskje nokon greier finna att eventuelle etterlysingar? Manuskriptet mitt ser slik ut: ~~~~~~~~~~~~~~ Gjertrud Olsdotter (Sandvik), f. i Luster 16.4.1827, Gjertrud Olsdotter flytte i svært ung alder til Sogndal og gifte seg der 16.10.1844 med Johannes Olson frå Lindborg under Midtun, Øvstedalen i Sogndal, dotterson av gardbrukardotteri Britha Gjertsdotter frå Haugen (1764-1803). Johannes var f. i Sogndal 7.1.1822. Gjertrud og Johannes var ei tid husmannsfolk på ein plass under Øyre i Sogndal, men flytte derifrå då Gjertrud vart sjuk kring 1864. Johannes budde sidan i Sogndalsfjøra i Sogndal der han d. som legdelem 3.4.1883. Gjertrud Olsdotter flytte til Bergen der ho d. 9.4.1893. Dei fekk ni born i lag: a. Kari Johannesdotter, f. i Luster 18.2.1845, var hushaldar og budde i Sogndalsfjøra i Sogndal der ho d. 18.1.1904. Kari var ugift, men let etter seg ei dotter. b. Ole Johannesson, f. i Sogndal 23.7.1847, d. i Sogndal 27.12.1849. c. Johannes Johannesson, sidan kjend som John Lindborg, f. i Sogndal 5.7.1849, utvandra til Amerika i 1876 og busette seg som farmarbeidar («farm laborer») i Utica township, Crawford Co., Wis. Han d. ugift i Crawford Co., Wis. 15.8.1894. d. Ole Johannesson, f. i Sogndal 1.12.1851, d. i Sogndal 13.1.1852. e. Andreas Johannesson, f. i Sogndal 2.4.1853, var sjukleg og budde i Sogndalsfjøra i Sogndal, men d. som fattiglem på Slinde i Sogndal 29.1.1929, ugift. f. Ole Johannesson, f. i Sogndal 28.12.1855, utvandra til Amerika i 1878, ##### (lagnaden hans i Amerika?) g. Carl Johannesson, f. i Sogndal 23.10.1858, utvandra til Amerika i 1876, ##### (lagnaden hans i Amerika?) h. Gjertrud Johannesdotter, f. i Sogndal 18.12.1861, flytte i 1879 til Bergen, men dro snart vidare til Vega i Nordland der ho 18.9.1892 gifte seg med Edvard Andreas Peder Benjamin Pederson frå Ulvingen i Vega, f. i Vega 9.9.1857. Edvard var fiskar, og han og Gjertrud slo seg ned som strandsitjarar på Sjøvegen under U lvingen i Vega der Gjertrud d. som strandsitjarkone 21.6.1919. Edvard d. som enkjemann same staden 28.8.1925. ##### (talet på søner og døtrer? – inkl.: * Georg Johan Olafsen – hennar son (far: Olaf Rafaelsen) – f. Vega 15.3.1891 – n. 1910/1910 * Petra Amalie Teonora Edvardsdotter – f. Vega 3.6.1896 – n. 1900/1910 * Ingvarda Paluda Johanna Edvardsdotter – f. Vega 13.2.1900 – n. 1900/1910 * Oscar Amandus Edvardsen – f. Vega 6.5.1905 – n. 1910) i. Britha Johannesdotter, f. i Sogndal 13.6.1864, utvandra til Amerika i 1881, ##### (lagnaden hennar i Amerika? – døydde kan henda barnlaus før 1894?) ~~~~~~~~~~~~~~ Mori Gjertrud Olsdotter hadde tre søsken som alle utvandra til Amerika på 1860-talet, og dei budde alle i Crawford Co., WI der ogso eldste sonen i huslyden hennar Gjertrud busette seg. Han skreiv seg for John Lindborg, men var ugift. Dei andre søskeni har eg førebels ikkje sett noko til i Crawford Co., WI! Det hadde vore heilt fantastisk om nokon kunne hjelpa meg finna lagnadane til dei tre «amerikafararane» og likeins supplerande opplysningar om huslyden i Vega! Eg takkar so mykje på førehand for alle gode tips!
  8. Ole Alexander Brobakk

    Ander Olsen Foss 1855-1907

    Hei. Er på jakt etter Anders Olsen Foss født i 1855 i Sogndal sin familie. Det er flere Anders Olsen Foss født i Sogndal i 1855 men han jeg er på jakt etter var fyrbøter på SS Hugin. Tror kanskje Foss var et stedsnavn som kom som et tillegg til Olsen. Han giftet seg i Bergen med Baarnille (Nille) Olsen Foss (Baarsdatter) og de fikk en datter sammen som het Sofie Victoria. Håper noen kan hjelpe meg Hilsen Ole :)
  9. Eg har vanskar med å tyda eit ættenamn som førekjem minst tre gongar i kyrkjebøkene for Sogndal: * Vigsel 14.12.1773 mellom Johan Petter ...oesing og Madame Karen Sunde von Santen: https://media.digitalarkivet.no/view/11655/66 * Barnedåp 5.6.1774 av Echa Margrethe, dotter av Johan Petter ...oesing og Karen von Santen: https://media.digitalarkivet.no/view/11655/72 * Barnedåp 10.1.1776 av Lars Benjamin, son av Johan Petter ...oesing og Karen von Santen: https://media.digitalarkivet.no/view/11655/89 Kva var ættenamnet til denne korporalen? Eg takkar so mykje på førehand for alle gode tips!
  10. Trond Johnson (1704-1759), frå Timberlid under Amla, og andre kona Synneva Olsdotter (1715-1759), frå Plassen i Kinsedalen, Hafslo, var plassfolk på Plassen under Amla i Kaupanger sokn, Sogndal og fekk fire døtrer i lag: * Anna Trondsdotter, døypt i Kaupanger, Sogndal 21.7.1748, døydde kort etter fødsli * Gjøri Trondsdotter, døypt i Kaupanger, Sogndal 2.2.1750, var 1767 tenestejente hjå mosteri Britha d.e. som budde i Vindedalen i Lærdal og som døydde det året. I 1777 vart det sagt om Gjøri at ho «skal bu syndenfor Bergen», men i 1785 er adressa hennar ukjend. * Christi Trondsdotter, døypt i Kaupanger, Sogndal 12.3.1753, tente mellom anna på Nagløyri i Sogndal, men vart gravlagd frå Bahus i Sogndal 24.10.1785, ugift og barnlaus. * Anna Trondsdotter, døypt i Kaupanger, Sogndal 9.5.1756, budde i 1767 òg hjå mosteri i Vindedalen i Lærdal, men vart sagt vera sjukleg og døydde barnlaus før 1777. Kjelda frå 1777 er skiftet etter mosteri Britha Olsdotter d.y. som døydde ugift på Eide i Sogndal. Den store «utfordringi» her er Gjøri Trondsdotter, fødd i 1750. Eg har leitt «høgt og lågt» etter denne jenta over heile landet, men har so langt ikkje greidd å finna nokon som får meg til å «springa i taket»... Dei beste alternativi frå FT1801 er desse: * Guri Tronsdotter, 50 år, enkje, på Glendrange i Lund: https://www.digitalarkivet.no/census/person/pf01058348001661 * Guri Tronsdotter, 51 år, gift med gjestgjevar Johan Michael Teusch på Grømstad i Øyestad: https://www.digitalarkivet.no/census/person/pf01058326005290 * Guri Tronsdotter, 50 år, gift med gardbrukar Anders Olson på Espetved i Bakke: https://www.digitalarkivet.no/census/person/pf01058345001417 Men eg ser at ei Guri Tronsdotter er døypt på Ryg i Bakke 5.3.1752, so denne siste er kanskje alt «eliminert»... Eg ser òg fleire i Møre og Romsdal i «rett» alder, men dei budde jo på «feil side» av Bergen...? Det hadde vore kjempefint om nokon kunne hjelpa meg finna lagnaden til denne Gjøri Trondsdotter frå Amla i Sogndal, og eg takkar so mykje på førehand for alle gode tips!
  • Recently Browsing   0 members

    No registered users viewing this page.

×
×
  • Create New...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.